"Панорама" КБ-да 13.10.1 нұсқалы GIS WebService SE әзірленді. Сервистің жаңа нұсқасы пайдаланушылар үшін кеңістіктік ақпаратқа қашықтан қолжетімділікті қамтамасыз ете отырып, бұлт серверінде есептеулерді жасайды. Күрделі ақпараттық жүйелер үшін маңызды көрсеткіш желі бойынша бұлт арқылы берілетін ақпарат көлемі болып табылады. Өткізу қабілеттілігін арттыру мақсатында JSON форматында сервиспен жаңа өзара әрекеттесу хаттамасы әзірленді. JSON-ды пайдалану сұратулар мен жауаптарды жіберу бойынша трафикті XML-RPC-мен салыстырғанда орташа есеппен 4 есе қысқартады. JSON стандартын қолдану бөгде жүйелермен және кітапханалармен сервисті интеграциялау процесін жеңілдетеді. Сұрату құрылымына берілетін параметрлердің өлшемдерін азайту үшін барлық қабаттар үшін жалпы параметрлерді орнату мүмкіндігі қосылды.

PHP модулімен сокеттер арқылы деректермен алмасу кезінде сервистің жұмыс істеу қауіпсіздігі арттырылды. 127.0.0.1-ден басқа, барлық мекенжайлар жабық. Енді сокеттері арқылы GIS Application Service модуліне сұратуларды тек жергілікті машинадан беруге болады. Жазылған оқиғалар журналының мөлшерін азайту мақсатында оларды қалыптастару күндер бойынша бөлінген. SDK көмегімен пайдаланушылар кітапханаларын жазу құралдары кеңейтілген. Қозғалатын объектілермен диспетчерлік орталық құру бойынша мысалдар қосылды.

Әкімшінің интерфейсі жақсартылды. Деректерді жедел жадқа жүктеу процесі мониторингінің, Сервер ГАЖ-дан кэшті қалыптастырудың, деректер базасы бойынша dbm қабатының кэшін қалыптастырудың жаңа диалогы іске асырылды. Жүктелген жүйелер үшін осы пайдаланушыларға қол жеткізу процесін жылдамдату үшін жедел жадқа деректерді алдын ала жүктеу мүмкіндігі қосылады.

Контурлардың өздігінен қиылысуға және жанасуға объектінің метрикасын бақылауға, ең жақын нүктелер мен шығарындыларды іздеуге, контурлардың орналасуын анықтауға сұрату іске асырылды. Екі және одан көп қабаттардың қиылысуларын тексеру операциясы үшін сұратуды орындау индикациясы қосылды. Ескі GIS WebServer SE нұсқаларымен үйлесімділік үшін GetMapList сұратуын қолдау қосылды.

GIS WebService SE барлық халықаралық стандарттарды (OGC WFS, WFS-T, WMS, WMTS, WCS) қолдайды, олардың көмегімен кеңістіктік деректерді беру және көрсету жүзеге асырылады. Бағдарламада кез келген пайдаланушылық немесе жергілікті координаттар жүйесі бойынша тайлдарды беру мүмкіндігі іске асырылған. Қосымша Windows және Linux платформаларында іске асырылған, Apache, IIS және nginx web-серверлерімен үйлесімді.

Бағдарламаның жаңа нұсқасы және құжаттама сайтта Жүктеу бөлімінде орналастырылған.

"Панорама" КБ мамандарымен SXF форматында Ресейдің Әкімшілік-аумақтық бөлінісінің сандық картасы жаңартылды. Карта Geofabrik сайтынан OpenStreetMap деректері бойынша қалыптастырылды. Ол федералды округтер аумақтарын, Ресей Федерациясының субъектілерін және әкімшілк аудандарды қамтиды. Объектілердің жалпы саны – 5188.

ОКАТО кодтары Росстат пен ФАМЖ деректеріне сәйкес келеді. Карта Ресей Федарациясының және оның субъектілерінің аумағын талдау мен бағалау, шекаралардың ұзақтығын бағалау үшін және тақырыптық пен арнайы карталарды құруға арналған негіз ретінде пайдаланылуы мүмкін.

Алынған картамен жұмыс істеу үшін Панорама Мини ГАЖ бағдарламасын немесе "Панорама" КБ-ның басқа бағдарламалық өнімдерін пайдалануға болады. OpenStreetMap деректерінің негізіндегі тегін карталарды "Сандық карталар" бетінде жүктеуге болады.

"Панорама" КБ-да 13.6.6 нұсқалы "Агрономның АЖО" әзірленген. Жаңа нұсқада Ресей ғылым академиясының ғарыштық зерттеулер институты – РҒА ҒЗИ-мен құрылған ВЕГА-PRO сервисінен Жерді қашықтықтан зондтау деректерімен жұмыс істеуге қолдау қосылған. ВЕГА-PRO – мұрағаттық және өзекті деректерге, табиғи түстердегі күн сайын жаңартылатын жерсеріктік суреттерге және олардың негізінде Жер бетін талдау мен жаңғыртылатын биологиялық ресурстар мониторингі үшін тақырыптық өнімдерге WMS хаттамасы бойынша қолжетімділікті қамтамасыз ететін кәсіби ақпараттық сервис. Сервисте Landsat, Sentinel, MODIS, TERRA, КАНОПУС, МЕТЕОР, РЕСУРС және басқа жерсеріктерден алынған деректер ұсынылған. Сервис мүмкіндіктерінің толық сипаттамасы құжаттамада қолжетімді.

"Агрономның АЖО" құрамында сервис табиғи түстердегі жерсеріктік суреттердің, әртүрлі вегетациялық индекстер мен тақырыптық өнімдердің: түтінденулердің, өрттердің, мұхит бетінің температурасының көп мөлшері түрінде жабын қабаттары бар геопорталдар түрінде қолжетімді. Табиғи түстердегі суреттермен жабындар қабаты Жер бетінің мониторингі тапсырмаларында, мысалы, орман және жер ресурстарын бағалау үшін пайдаланылуы мүмкін. Суреттерде өрттерден, ағашқұрамды кесуден немесе опат болуынан, сонымен қатар ауылшаруашылық алқаптарды жете пайдаланбау салдарынан ормандармен өсіп кетуінен туындаған орман ауданының өзгергені жақсы көрініп тұр.

Вегетациялық индекстер – жерсеріктік суреттердің негізінде есептелген биологиялық ресурстардың мөлшері мен сапасының сандық көрсеткіштері. Типіне байланысты индекстер өсімдіктердің денсаулығын бағалау, өнімділікті жобалау немесе тыңайтқыштарды енгізу тиімділігін анықтау тапсырмаларында пайдаланылуы мүмкін. Қарап шығу үшін NDVI, GNDVI, PVI, SWVI, SAVI, NDRE, MNDVI, AWEI, WRI, NDWI, NDMI индекстері қолжетімді.

Тақырыптық аномалиялар мультиспектральды жерсеріктік суреттердің негізінде өрттер мен түтінденулер туралы ақпаратты береді. "Агрономның АЖО" ВЕГА-ПРО геопорталынан барлық қабаттар үшін түсірілім күні мен жалпы бұлттылық бойынша бастапқы суреттердің сүзгілеу құралдарының көмегімен деректердің мазмұнын басқаруды қамтамасыз етеді.

Сервиске қолжетімділік пайдаланушының аты мен құпиясөзі немесе API-ге қолжетімділік кілті бойынша ұсынылады. Қолжетімділікті ұсыну нұсқалары сервистің сайтындағы құжаттамада сипатталған.

Бағдарламаның жаңа нұсқасы Жүктеу бөлімінде сайтта қолжетімді.

"Панорама" КБ-ның мамандары Краснодар өлкесінің картасын дайындады және "Кеңістіктік деректер банкі" геопорталында орналастырды. Карта OpenStreetMap деректері бойынша қалыптастырылды, бастапқы деректер Geofabrik сайтынан алынды. Карталармен жұмыс істеу үшін Панорама Мини ГАЖ бағдарламасын немесе "Панорама" КБ-ның басқа бағдарламалық өнімдерін пайдалануға болады.

Карта 1:5 000 масштабтағы (map5000m) ірі ауқымды жоспарлардың жаңғыртылған сыныптауышына келтірілген және қапталынған жобада (MPTZ) сақталған. MPTZ форматындағы жобаның құрамына өңірдің аумағына (ел, федерация субъектісі, әкімшілік аудан) арналған сандық карта, әкімшілік-аумақтық бөліністің картасы және сандық сыныптауыш кіреді. Кеңістіктік деректер банкінде жаңартуларды орналастыру Сандық карталардың деректерінің және ЖҚЗ деректерінің банкі бағдарламасының көмегімен орындалған. Кеңістіктік деректер банкінің ішіндегісін геопорталда жариялау және жүктеу үшін деректерге қолжетімділік GIS WebServer SE құралдарымен іске асырылған.

OpenStreetMap деректерінің негізіндегі тегін карталар "Сандық карталар" бетінде жүктеу үшін қолжетімді.

"Панорама" КБ-да 13.6.6 нұсқалы "Оператор" ГАЖ әзірленді. Бағдарламаның жаңа нұсқасында үш өлшемді модельдерді құру кезінде анимация құралдары кеңейтілді. "Белгі" типті қалыпқа жаңа анимацияланған тораптар қосылды: Түтін, Жарылыс, Сел тасқыны, Брандспойт.

Төтенше жағдайлардың имитаторлық моделіндегі анимацияланған тораптарды пайдалану динамикалық көріністердің шынайылығына қосымша әсер береді. Бұған сондай-ақ үш өлшемді модельде жауынгерлік және арнайы техниканы, тыл объектілері мен фортификациялық құрылыстарды, жер бедерінің толық егжей-тегжейлерін, өсімдіктерді, ауа-райы жағдайларын және атмосфералық құбылыстарды бейнелеуге мүмкіндік туғызады.

Төтенше жағдайлардың математикалық модельдерін автоматтандырылған тұрғызу және талдау үшін "Оператор" 13 ГАЖ құрамына "ТЖ болжамы" кешені кіреді. Кешен келесі сценарийлер бойынша төтенше жағдайлардың математикалық модельдерін тұрғызуды орындайды: химиялық қауіпті объектідегі ТЖ, радиациялық қауіпті объектідегі ТЖ, биологиялық қауіпті объектідегі ТЖ, жарылу қаупі бар объектідегі ТЖ, гидравликалық құрылыстағы ТЖ. "ТЖ болжамы" кешені тұстамалар әдісімен су басу аймағын есептеуді қамтамасыз етеді, мұнай құбырындағы ТЖ-ның пайда болуын болжайды, ірі ауқымды орман өрттерінің таралуын модельдейді.

Төтенше жағдайлардың салдарын белгілеу үшін жердің ашық картасына EXIF тегтерінде координаттық байланыстырумен фотосуреттерді жүктеуге мүмкіндік беретін "Фотосуреттерді қосу" жаңа режимі әзірленді. Әдетте мұндай қасиеттерге GPS-қабылдағышпен жабдықталған сандық фотокамералардың және ұялы телефондардың көмегімен алынған фотосуреттер ие болады. Картада фотосуреттер белгішелер (шолу кескіндері) түрінде бейнеленеді. Карта ұлғайған кезде фотосурет ұлғаяды да, фотосуретті толығырақ көруге мүмкіндік береді. Фотосуреттерді жүктеу құжат бумасында сақталатын және құжаттың карталар тізіміне енгізілетін қызметтік картада орындалады. Құжатты қайталап ашқан кезде фотосуреттері бар карта автоматты түрде ашылады.

РФ аймақтары және муниципалдық аудандар бойынша статистикалық жария ақпараттан инфографиканы дайындауды автоматтандыру үшін "Статистиканы көрсету" режимі қосылды. Статистикалық деректер CSV форматында кесте түрінде ұсынылуы керек. Кесте екі немесе одан да көп бағандардан тұруы мүмкін, олардың біреуі РФ субъектілерінің немесе РФ субъектісінің муниципалдық аудандарының атауларын қамтуы керек. CSV файлын ашқан кезде орнатуға кіретін regions.sitz картаны қолданумен тақырыптық картаны тұрғызу орындалады. Regions.sitz картасы РФ-ның әкімшілік бөліну объектілерін: федералды округтердің, субъектілердің және аудандардың аумақтарын қамтиды. Бағдарламаны орнатуға Федералды мемлекеттік статистика қызметі (Росстат) сайтынан жүктелген бірнеше мысалдар қосылды. Тұрғызудың нәтижесі РФ субъектілерінің немесе таңдалған субъектінің боялған аумақтарын, статистикалық деректер диапазондарының шкаласын және таңдалған статистикалық деректердің мәндері бар аумақтық объектілердің атаулары тізімін қамтитын тақырыптық карта болып табылады. Алынған картаны басып шығарылуы немесе векторлық файлдарда (SVG, EMF) және растрлық (PNG, TIFF) форматтарындағы файлдарғы сақталуы мүмкін.

"Тақырыптық картаны құру" тапсырмасында "Бөлінген объектілерден алшақтығы бойынша бояу" режимі қосылды. Режим таңдалған объектілерден қашықтыққа сәйкес алаңдық объектілерді бояуды орындайды. Бояуға арналған полигондар "Сүзгі" түймешігі бойынша орнатылады. Мысалы, жолдарға қатысты орман орамдарының алшақтық картасын тұрғызу үшін: картада жол желісінің объекктілерін (тас жол, көшелер, жақсартылған және қара жолдар) бөліп көрсету, диалогта бояуға арналған полигондарды (орман орамдары) таңдау және тұрғызуды орындау қажет. Тапсырманы іске қосу Тапсырмалар/Қосымшаларды іске қосу/Тақырыптық карталар мен диаграммалар бас мәзірі арқылы орындалады.

"Атауы бойынша іздеу" диалогында "Ішінара сәйкесу" режиміндегі жолдар тізімі бойынша іздеу алгоритмі нақтыланған. Әр жолда ішінара сәйкесу бойынша іздеу бос орынмен, нүктемен, үтірмен, нүктелі үтірмен немесе табуляциямен бөлінген әр қосалқы жол үшін орындалады. Егер қосалқы жол тек цифрларды қамтыса, онда жиектері бойынша басқа цифрларға ие болмайтын тура осындай қосалқы жол ізделінеді ("21" қосалқы жолы үшін "121" немесе "213" қосалқы жолы табылмайды, бірақ "21.0" рұқсат етіледі). Бұл, мысалы, көшенің атауының бірінші әріптері мен үйдің дәл нөмірі бойынша мекенжайды табуға мүмкіндік береді.

Бағдарламаның жаңа нұсқасы Жүктеу бөлімінде жүктеу үшін қолжетімді.